எங்கள் பள்ளிக்கூடம்

ஏழை பணக்காரன் எனும்
வேறுபாடில்லாத புன்னகை தேசம்
கருப்பு வெள்ளை எனும்
வண்ணம் இல்லாத மாணவர் தேசம்

கயிறை கோடாக இழுத்து
கபடி ஆடிய மண்தரை
இன்னமும் மாறாது
மாற்றத்திற்கு ஏங்கும் வெறும் தரை

ஒன்றாம் வகுப்பு கூரையின் முனையில்
கிளை விழுந்து உடைந்த பாகம்
இன்று நான் போய் பார்த்த போது
அச்சு பிசுராது அப்படியே சிரித்தது

மாறாதிருப்பது கற்றலும் கற்பித்தலும்
மாறியிருப்பது கற்றவர்களும் கற்பித்தவர்களும்
யாராவது பணம் கொடுத்தால்
வெளிச்சுவரில் வெள்ளை அடிக்கப்படும்
உள்சுவரில் மாணவர்களின் படைப்புகளால் மறைக்கப்படும்

ஏன் இந்த அவலநிலை?
ஆயிரமாயிரம் பிள்ளைகளைப் பெற்றெடுத்த தாய்
இன்று ஆதரவற்று அனாதையாக

!!~ இரா.தமிழரசு ~!!