Powered By Blogger

Monday 26 March 2012

நட்பின் பால்

சேறுமிடன் தெரியாத
ஒரு நீண்ட பயணம்
இரட்டை தண்டவாளத்தின்
ஒற்றை நளினம்

ஆண்பால் பெண்பால் அறியாத
நடுநிலை உணர்ச்சி
வர்ணம் காட்டத் தெரியாத
வானவில் காட்சி

மனங்களையும் மதங்களையும் வென்ற
ஆயுதமில்லா அமைதிப்படை
மர்ம தேசத்தின் மர்மங்களை
பொருட்படுத்தாத பல்கலை

ஆசைகள் பெருக்கெடுக்க
காமம் துறவுக் கொண்ட
வண்ணமலர் சோலையின்
வண்ணத்துப் பூச்சிகள்

போலிச் சிரிப்புகளும் கேளி வார்த்தைகளும்
வேடிக்கைக்குக் கூட வெளிப்படாது
நம்பிக்கைத் துரோகமும் நையாண்டி நகைத்தலும்
நட்புக்குத் தெரியாது

காதல் படகில்
காமம் துடுப்பிழந்தாலும்
கம்பீரமாய் பயணிக்கும்
கலங்கமில்லா நட்பு வளர்க

!!~ இரா. தமிழரசு ~!!

No comments:

Post a Comment

Note: only a member of this blog may post a comment.